شیعەكان تەحەدای ئەمریكا دەكەن كورد و سونە دژی یاسای حەشدی شەعبین 

دیپلۆماتیك
پرۆژە یاسای حەشدی شەعبی بەتواوەتی شیعەكانی عێراقی خستۆتە بەرامبەر داواكاریەكانی ئەمریكا،لەكاتنێكدا ویلایەتە یەكگرتووەكان بەتوندی لەسەر خەتە كە یاساكە دەرنەكرێت،سەركردەكانی حەشدی شەعبی خواستی ئەوەیان هەیە تەحەدای ئەمریكا بكەن و بەهەر نرخێك بووە یاساكە دەربچێت.تەنانەت گوێ‌ بەو دەرئەنجامانەش نادەن كەبەهۆی ئەو روداوەوە دەكەوێتەوە.
پرۆژە یاساكە جگە لە دژایەتی ئاشكرای ئەمریكا،لەلایەن هەردوو پێكهاتەی سونە و كوردیشەوە رەتدەكرێتەوە و نایانەوێت دەنگی پێ‌ بدەن،هەر بۆیە بایكۆتی هەر دانیشتنێك دەكەن كە بۆ دەنگدان بێت لەسەر پرۆژە یاساكە.

هەرچەندە،لیژنەی ئاسایش و بەرگریی پەرلەمان بەفەرمی داوای لە سەرۆکایەتی پەرلەمان كردبوو ئەو یاسایە بخرێتە بەرنامەی کار بۆ دانیشتنی رۆژی شەممە،بەڵام بەهۆی نارەزای بونی سەرۆكی پەڕلەمان و جێگرە كوردەكەی و بایكۆتی پەڕلەمان لەلایەن كورد و سونەوە دانیشتنەكە نەكرا.

لە ئێستاشدا سەركردەكانی حەشدی شەعبی فشارەكانیان بۆ سەر سەرۆكایەتی پەرلەمان چڕكردووەتەوە و دەیانەوێت پڕۆژە یاساكە بە خێرایی تێپەڕێت.

باڵیۆزخانەی ئەمەریكا لە بەیاننامەیەكدا رایگەیاند: یاسای حەشدی شەعبی، هەژمونی ئێران لە عێراق بە دامەزراوەیی دەكات و گروپە تیرۆریستییە چەكدارەكان بەهێزتر دەكات، ئەوەش هەڕەشەیە سەروەری عێراق