پەڕلەمانتارێكی یەكێتی: لە كۆبونەوەی ئەنجومەنی وەزیران سەرۆكی حكومەت لەگەڵ ئەوەبووە نەوت و داهات تەسلیم نەكرێت بەو شێوەیەی بەغدا داوای دەكات

كاروان یاروەیس ئەندام پەڕلەمانی یەكێتی لە بەغدا رایگەیاند:زانیاریم هەیە لە دوا كۆبونەوەی ئەنجومەنی وەزیرانی هەرێم،سەرۆكی حكومەت لەگەڵ ئەوەدا نەبووە كە نەوت و داهاتی ناوخۆ رادەستی بەغدا بكرێت بەو شێوەیەی عێراق داوایكردووە.

وتیشی ئاراستەی گشتی كۆبونەوەی ئەنجومەنی وەزیران بەو شێوەیە بووە كە ئەو 120 ملیار دینارەی بەغدا داوای دەكات زۆرە.

ئاماژەی بەوەشكرد:ئەوەی لە بەیانامە فەرمیەكەی ئەنجومەنی وەزیران باسكراوە رێك پێچەوانەی ئەوە قسە كراوە لە كۆبونەوەكەدا.

سەبارەت بە رای تیمی یەكێتیش لەناو كۆبونەوەی ئەنجومەنی وەزیران وتوویەتی: یەكێتی لەگەڵ ئەوەیە كە رێكەوتنەكە وەكوخۆی جێبەجێبكرێت و هەرێم پابەند بێت،چونكە یەكێتی خۆی بە عەرابی رێكەوتنەكە دەزانێت