سودانی بڕیاری كۆتایی لە چارەنوسی مووچەی مانگی شەشی فەرمانبەرانی هەرێم دەدات

سودانی لە كۆبونەوەی ئەمڕۆی ئەنجومەنی وەزیرانی عێراق بڕیاریدا ماوەی هەفتەیەك كاری لیژنەكەی تەیف سامی درێژبكرێتەوە،بۆ ئامادەكردنی راپۆرتێك لەسەر داهاتی ناوخۆی هەرێمی كوردستان.

لە كۆبونەوەكەی ئەمڕۆدا وەزیری نەوتی عێراق وتویەتی هەرێمی كوردستان لەئێستادا 140 هەزار بەرمیل نەوتی رۆژانە بەرهەم دەهێنێت،ئاماژەی بەوەشكردووە كێڵگە نەوتیەكانی هەرێم بەهۆی هێرشە درۆنیەكان و ترسی كۆمپانیاكانەوە دابەزیوە.

هەر لەكۆبونەوەی ئەمڕۆی ئەنجومەنی وەزیران بڕیار درا بە وەرگرتنی 90 هەزار بەرمیلی رۆژانە لەلایەن سۆمۆ تا كاتی ئاسایبونەوەی بەرهەم.

لەسەر بنەمای قسەكانی ئەو دوو وەزیرە،سودانی بڕیاردان لە چارەنوسی مووچەی مانگی شەشی دواخست بۆ كۆبونەوەی داهاتووی ئەنجومەنی وەزیران لە رۆژی سێ‌ شەممەی داهاتوو.