ئەمەریكا بە 50 ملیۆن دۆلار سەرۆكی وڵاتێكی دەوێت

دیبلۆماتیك

بە تۆمەتی تێوەگلانیی لە بازرگانیكردن بە ماددەی هۆشبەرەوەو گواستنەوەی ئەو مادەیە بۆ ناو وڵاتەكەیان، ئیدارەی حكومەتی ئەمەریكا برشی 50 ملیۆن دۆلار دەداتە هەر كەس و لایەنێك كە " نیكۆلاس مادۆرۆ"ی سەرۆكی ڤەنزوێلای تەسلیم بكات.

ئیدارەی ئەمریكا نیكۆلاس مادۆرۆ، سەرۆكی ڤەنزوێلا بە تێوەگلان لە بازرگانیكردن بە ماددە هۆشبەرەكان و پەیوەندی بەو باندە تاوانكارەكانەوە تۆمەتبار دەكات كە ماددەی هۆبەر بۆ ئەمەریكا دەگوازنەوە.

پام بۆندی، داواكاری گشتی ئەمەریكا، ئاشكرای كرد، بەهۆی تێوەگلانی لە بازرگانیكردن بە ماددەی هۆشبەرەوە، ئەمەریكا پاداشتی ئەو زانیاریانەی كە دەبێتە هۆی دەستگیركردنی نیكۆلاس مادۆرۆ، سەرۆكی ڤەنزوێلا بۆ دوو هێندە زیادكردووەو 50 ملیۆن دۆلار دەداتە هەر كەس و لایەنێك كە یارمەتی بدات لە دەستگیركردنی مادۆرۆدا.
لە بەیاننامەیەكدا، "ماركۆ ڕوبیو" وەزیری دەرەوەی ئەمەریكا بڵاویكردەوە ڕایگەیاند، "مادۆرۆ زیاتر لە دە ساڵە سەركردایەتی ڕێكخراوی تاوانكاری "دێس سۆلیس" دەكات، كە لەپشت بازرگانیكردن بە ماددە هۆشبەرەكانەوەیە بۆ ئەمەریكا".

لە مانگی تەمموزی ساڵی ڕابردوودا، وەزارەتی دەرەوەی ئەمریكا  ڕێكخراوی "دێس سۆلیس"ی وەك ڕێكخراوێكی تیرۆریستی جیهانی دەستنیشان كرد.
  ئیڤان گیل، وەزیری دەرەوەی ڤەنزوێلا تێلێگرام ڕایگەیاند، ئەم ڕاگەیاندنە "گاڵتەجاڕترین فێڵ بووە تا ئێستا"، ئاماژەی بەوەشكردووە: "لەكاتێكدا ئێمە پیلانی تیرۆریستی ئاشكرا دەكەین كە لەلایەن وڵاتەكەیەوە ڕێكخراوە،  ".

دەربارەی هەوڵ و بڕیارەكانی ئەمەریكا بۆ دەستگیركردنی سەرۆكی وڵاتەكەیان، " ئیڤان گیل" وەزیری دەرەوەی ڤەنزوێلا  ڕایگەیاند، ئەم هەوڵ و ڕاگەیاندنەی ئەمەریكا فێڵێكی زۆر گاڵتەجاڕانەیە.     
وەزیری دەرەوەی فەنزوێلا وتیشی:" كەرامەتی وڵاتەكەمان بۆ فرۆشتن نییەو ئەوەی ئەمەریكا ئۆپەراسیۆنێكی پڕوپاگەندەی سیاسییە".

 لە ساڵی 2020 بۆ یەكەمجار ئەمەریكا 15 ملیۆن دۆلاری كردە دیاری ئەوكەسانەی كە زانیارییەكانیان دەبنەهۆی دەستگیركردنی مادۆرۆو پاشان خەڵاتەكە لە مانگی یەكی ئەمساڵدا بۆ 25 ملیۆن دۆلار زیادكراو، بام بۆندی، داواكاری گشتی ئەمەریكا، نوێترین هەڵوێستی ئەمەریكای دەربارەی سەرۆكی فەنزوێلا ئاشكرا كردو وتی:" ئەمەریكا خەڵاتی دەستگیركردنی نیكۆلاس مادۆرۆ"ی بۆ دوو هێندە زیادكردووەو هەركەسێك یارمەتی ئەمەریكا بدات بۆ دەستگیركردنی 50 ملیۆن دۆلار خەڵات دەكرێت".