پارتی بۆ یەكێتی لە دۆسیەی لالەزاردا ناوی مەسروور بارزانی بهێنرێت قبوڵی ناكەین و كاردانەوەی توندمان دەبێت

دیپلۆماتیك:تایبەت

بەهۆی هەندێك سەرەداوەوە لە روداوەكانی لالەزار،پەیوەندیەكانی نێوان پارتی و یەكێتی تا ئەوپەڕی خراپی رۆشتووە.

بەهۆی خراپتر بونی دۆخەکە و بڵاوکردنەوەی دانپێدانانەکان، نێچیرڤان بارزانی سەردانەکەی بۆ سلێمانی هەڵوەشاندەوە و بەدواشیدا هۆشیار زێبار، ئەندامی مەکتەبی سیاسی پارتی کە بڕیاربوو ئەمڕۆ یەکێک بێت لە پانێلستەکانی کۆنگرەکە ئەویش نەهات.
دیپلۆماتیک لە سەرچاوەیەکی باڵاوە زانیویەتی، کە بەهۆی روداوەکانی لالەزارەوە پرسی دانوستانی هەردوو حیزب بۆ پێکهێنانی حکومەت بەتەواوی وەستاوە، لە کاتێکدا پێش روداوەکە بەرەو پێشچونی باش هەبوو.

دیپلۆماتیك ئەوەشی زانیوە كە پارتی دیموكراتی كوردستان لەسەر ئاستی باڵا یەكێتی ئاگاداركردۆتەوە كە بەهیچ شێوەیەك  رازی نین ناوی پارتی و مەسروور بارزانی بە ئاماژەش باس بكرێت لە تێوەگلان لە روداوەكانی لالەزاردا ئەگەرنا كاردانەوەی زۆر توندیان بەرامبەر یەكێتی لە هەولێر دەبێت