نهێنی نوێ‌ لەسەر چەكدارە عێراقییەکان لە مۆسکۆ ئاشكرا دەبێت

باڵوێزخانەی عێراق لە مۆسکۆ زەنگی ئاگادارکردنەوەی مەترسی لێدا، بەهۆی بەشداریی عێراقییەکان لە جەنگی رووسیا_ ئۆکرانیادا. 

 باڵوێزخانەی عێراق لە مۆسكۆ هۆشداری دەدات لە هەوڵدان بۆ ڕاکێشانی عێراقییەکان بۆ بەشداریکردن لە شەڕی ڕووسیا و ئۆکرانیا. 

ڕاپۆرتە هەواڵگرییەکان  چیرۆکی تۆڕەکانی ناونوسكردنی گەنجانی عێراق لە بەسرە ئاشکرا دەکەن کە خۆیان لە پشت نووسینگە بازرگانی و گەشتیارییەکان حەشارداوە و لە راستیدا ئەرکەکەیان ناردنی گەنجی عێراقییە بۆ مۆسکۆ.

ئەو کەسەی ناونووس دەکرێت دەبێت تەمەنی لە نێوان ٢٠ بۆ ٣٠ ساڵیدا بێت و  خولێکی ڕاهێنان بۆ ماوەی یەک مانگ وەردەگرێت،دواتر بە مووچەی مانگانەی (١٠٠٠ بۆ ١٢٠٠) دۆلار‌، تێکەڵی فەسیلە شەڕكەرە بەکرێگیراوەکانی ڕوسیا دەکرێت. بەڵام مەترسییەکە لێرەدایە، چونکە مەسەلەکە تەنها پەیوەندی بە پارەوە نییە. بەڵکو ئەم گەنجانە لە شوێنە سەختەکاندا شەڕ دەکەن، دوورن لە هەموو چاودێرییەکی فەرمی. هەربۆیە  چاودێران پێشبینی دەکەن گەڕانەوەیان بە ئەزموونی شەڕەوە مەترسی لەسەر ئاسایشی ناوخۆی عێراق دروست دەکات. 
لەبەرئەوەی ئەمانە  لە ژێر ئاڵای " بەرەی مقاومە" جەنگاون و پشتیوانی مۆسکۆ دەکەن و دەبنە داردەستی مۆسکۆ، بەڵام  هەندێکی تر دەڵێن ئەمە شەڕێکە کە هیچ پەیوەندییەکی بە عێراقەوە نییە.

پرسیارەکە هەر ئەوەیە: لەم بارەوە عێراق بەرەو کوێ