نێچیرڤان بارزانى سه‌رۆكى هه‌رێمى كوردستان:

-عێراق هه‌موو شتێكه‌ به‌س فیدراڵى نییه‌
-ئه‌م دۆخه‌ى ئێستا هه‌مانه‌، 23 ساڵ له‌مه‌وبه‌ریش هه‌مان ئه‌و دۆخه‌مان هه‌بوه‌ 
-پێش هه‌ڵبژاردنى په‌رله‌مانى عێراق، كابینه‌ى نوێى حكومه‌تى هه‌رێمیش پێكنایه‌ت
-به‌داخه‌وه‌، پێش ساڵى 2002 واته‌ 23 ساڵ له‌مه‌وبه‌ر، هه‌مان ئه‌م دۆخه‌ى ئێستامان هه‌بوو
-ئه‌مریكیه‌كان له‌دواى پرۆسه‌ى ئازادیى، ئه‌وكاته‌ ئێمه‌یان ڕازیكرد كه‌ عێراقێكى نوێ له‌پێشه‌و فیدراڵیه‌و دیموكراسییه‌و ده‌بێت به‌شداریی بكه‌ین، ئه‌وكات مام جه‌لال‌و كاك مه‌سعود، ئه‌وه‌ى پێویستبوو بۆ عێراق قسورییان نه‌كردو عێراقیان ڕاستكرده‌وه‌

-دواى 22 ساڵ له‌حوكمڕانى عێراق، جگه‌ له‌ده‌ستور وه‌كو وه‌ره‌قه‌یه‌ك‌و ده‌ستكه‌وتێكى گرنگه‌، به‌ڵام به‌داخه‌وه‌ جێبه‌جێنه‌كراوه‌، هیچى تر له‌م وڵاته‌ نه‌كراوه‌، ئه‌و كێشانه‌شى ئه‌مڕۆ له‌نێوان هه‌ولێرو به‌غدا هه‌یه‌، هه‌موو سه‌رچاوه‌كه‌ى ئه‌وه‌یه‌ ده‌ستوورى عێراق وه‌كو خۆى جێبه‌جێنه‌كراوه‌، له‌كاتێكدا ده‌زانین خۆشگوزه‌رانى سیاسیى‌و ئابووریى له‌عێراق په‌یوه‌سته‌ به‌جێبه‌جێكردنى ده‌ستووره‌وه‌
-تائێستا كه‌س نازانێت عێراق چ سیستمێك جێبه‌جێده‌كات، پێموایه‌ عێراق هه‌موو شتێكه‌، به‌س فیدراڵى نییه‌و باوه‌ڕیشى به‌دیموكراسى نییه‌، ئه‌وه‌ى عێراقیش له‌گه‌ڵ هه‌رێم جێبه‌جێى ده‌كات مه‌ركه‌زیه‌تێكى زۆر تونده‌
-موجامه‌له‌ ناكه‌م، عومقى سیاسه‌تى هه‌رێمى كوردستان به‌غدایه‌، به‌ڵام كام به‌غدا، ئه‌و به‌غدایه‌ى فیدراڵیانه‌ مامه‌ڵه‌ بكات، سه‌ربارى ئه‌وانه‌ش هه‌ر ده‌بێت له‌گه‌ڵ عێراق بگه‌ینه‌ ئه‌نجام".