چوارچێوەی هەماهەنگی بەبێ‌ سودانی خاوەنی 120 كورسییە

چوارچێوەی هەماهەنگی بەبێ‌ محمەد شیاع سودانی خاوەنی 120 كورسی پەلەمانە و دەڵێن حكومەتی داهاتووی عێراق لەرێگەی ئێمەوە دروست دەبێت.

هێزەكانی ناو چوارچێوەی هەماهەنگی بەبێ‌ سودانی كە پێكدێن لە مالكی و خەزعەلی و حەكیم و عەبادی و عامری لەگەڵ هێزەكانی بەرەی مقاوەمە پێكەوە خاوەنی 120 كورسی پەرلەمانی عێراقن و هەرەشە لە سودانی دەكەن جارێكی دیكە پۆستی سەرۆك وەزیران وەرناگرێتەوە.

بەپێی دەستوری عێراقی پێكهێنانی حكومەت لە ئەستۆی گەورەترین كوتلەی پەرلەمانە،هەرچەندە سودانی بە 46 كورسی لە ریزبەندی یەكەمدایە بەڵام ئەگەر لایەنەكانی ناو چوارچێوەی هەماهەنگی ییییییییببنە یەك فراكسیۆن بەبێ‌ سودانی ئەوا دەتوانن ببنە گەورەترین فراكیۆنی ناو پەرلەمان و دەتوانن ناوی سەرۆك وەزیران پێشكەش بكەن.

لەناو چوارچێوەی هەماهەنگیدا نوری مالیكی چاوی لە وەرگرتنەوەی پۆستەكەیە و ڤیتۆی هەیە لەسەر سودانی تەنها بەو مەرجەش رێگەی پێدەدەن بچێتەوە ناو چوارچێوەی هەماهەنگی كە دەستبەرداری خەونی بوونەوە بە سەرۆك وەزیران ببێت.

لەناو لایەنەكانی چوارچێوەی هەماهەنگی مالكی 29 كورسی و خەزعەلی 28 كورسی و عامری 21 كورسی و حەكیم و عەبادی پێكەوە 23 كورسیان هەیە و هێزەكانی مقاوەمەی حەشدی شەعبی بە هەمویانەوە دەگەنە 20 كورسی پەرلەمان