پیرۆزیی بەزمانی خۆیان واتا سەرکەوتن و سەرکەوتووش پیرۆزبایی لێدەکرێت بۆیەهەر ئەو وشەیەم دانایەوە.
پزیشکیان لە ئازەربایجان دەنگی زۆرترە چونکە خۆی ئازەرییە.
لە کوردستان لەناو ئەوانەی دەنگ دەدەن دەنگی زۆرترە, چونکە بە کوردییەکی ڕەوان قسە دەکات و سۆزی کوردی بردووە, هەروەها ڕیفۆرمخوازە و کوردیش هەمیشە دەنگی زیاتر بۆ ڕیفۆرم بووە.
لە تاران دەنگی زۆرترە بەمەرجێ دەنگی خۆڵەمێشیی کە ئیسڵاحییەکانە دەنگ بدەن.
لە کرماشان تا لوڕستان بەهۆی کوردیزانی و هەم شیعەگەرایی و هەم ڕیفۆرمخزوازییەوە دەنگی تا ڕادەیەکی باش هەیە.
ڕەنگە لە پارێزگای یەزد کە زێدی خاتەمیی ڕابەری ریفۆرمخوازان و سەرۆکی پێشووتری ئێران دەنگی هەبێت.
پشتگیرییەکانی زەریف, وەزیرە بلیمەتەکەی دەرەوەی ئێران بۆ پزیشکیان و پشتگیرییە نەرمەکەی محەمەد خاتەمی سوودی زۆری بۆ پزیشکیان هەیە.
بەڵام
لە مەشهەد و قوم و زۆرێکی تریش لە شارانی وەک ئەسفەهان تا باشووری ئێران دەنگی نێر نییە, بانگەشەکەی فریای ئەوە نەکەوتووە ئەوانیش مسۆگەر بکات.
بەڵام بەڕای من دەرکەوتنی حەسەن ڕۆحانی نوێنەری بەرەی میانڕە و نزیک لە ڕیفۆرمخوزانەوە کە دوو خول سەرۆککۆماربوو ئێران تێیدا دووچاری هەڵاوسانی ئابووریی بووەوە چەندە سوودی هەیە, هێندەش زیانی بۆی هەیە.
پزیشکیان کێشەکەیەکی تری ئەوەیە سیاسەتمەدار نییە, وەک ئەوانی دی. دروشمەکانیشی زۆر قەبە نین, زیاتر شتی سوواون. بەڵام تا ڕادەیەیکش بۆ دەنگی خەڵکی خۆشباوەڕ کەڵکی پێدەگەیەنن.
ئەوەی پزیشکیان سەردەخات بەشداریی ڕێژەی زۆری دەنگدەرانە, ئەگەر ڕێژە %60 تا %70 بێت پزیشکیان مسۆگەرە, ئەگەر کەمتر بێت ئومێدی ئەویش کەمترە.
ماوەتەوە بڵێین پزیشکیان لەپڕدا ئومێدی بۆ ڕیفۆرمخوازان هێنایەوە و وەک گەردەلوول خۆی پیشانی نەیارانی داوە, لەبەر ئەوە ترسی خستووەتە سەر پڕۆسەکە بۆ نەیارانی خۆی.