لەجیاتی خودا قسەکردن

هەرکەسێک لەم دونیایەدا ئازادەلەوەی چی پێ خۆشەو ڕقیشی لەچیە، بەڵام کاتێ حەزوڕقەکانی خۆی بەخواوە پەیوەست دەکات و لێکدانەوەی ئاینی بۆ دەکات، چیتر باسەدەشێوێنێت و لەجیاتی خوا قسەدەکات .

 لێرەوە دەمەوێ بەو بەڕێزانە بڵێم کەباسی تۆڵەی خودا دەکەن لەسوتانە ترسناکەی کالیفورنیادا ،چۆنت پێ خۆشە یان پێ ناخۆشە ئازادیت، من وەک خۆم پێم ناخۆشە هیچ جوانیەکی سەرزەوی  ئازاری پێ بگات، بەڵام ئەوە ناوبنێیت تۆڵەی خوا لەبریی خەڵکی غەززە! ئەوەپرسیارێکی خەتەرناک لەسەر عەدالەتی خوای گەورەش دروست دەکات، کەحەفتا ساڵە سەیری زوڵم ستەمی زاێونیزمەکان دەکات ، پاش ٧٠ سال ئەنجا خواڕقی هەستاو لەتۆڵەی ئەو هەموو خوێنەدا چەند خانوو باخێکی ئەمریکای سوتاند؟!
 تەنها دەمەوێ بزانم ئێوە لەچ كڵاو رۆشنەیەکی تەنگ و تاریکەوە سەیرێ دادی خودا دەکەن، تکایە چیتر بەسە وازلەو جۆرە لێکدانەوانە بهێنن ، ئەو پەیوەستکردنە نەگونجاوەو لەشوێنی خۆیدا نیە