٢٠٢٤.١٠.١٨ - کۆمپانیای ئێڵ جی بۆ ئامێری ئەلیکترۆنی ڕوونمای نەشتەرگەری نوێی مۆدێل 32HR734S بە قەبارەی ٣١.٥ ئینچ نمایش کرد بە تایبەتمەندی تەکنۆلۆژیای لیدی بچوکەوە. ئەم ڕوونمایە دیزاینکراوە بۆ نیشاندانی وێنەی ئاست بەرزی کامێرەکانی بەشەکانی نەشتەرگەری و سیستەمەکانی تری وێنەی پزیشکی، ئەم ڕوونمایە پلەی 510(k) ی بەدەست هێناوە لەلایەن دەستەی خۆراک و دەرمانی ئەمریکا FDA بە واتای ئەوەی دەتوانرێت لە ئەمریکادا بفرۆشرێت. تەکنۆلۆژیای لیدی بچوکی 32HR734S کۆنترۆڵی ڕووناکی دەکات و مەودایەکی فراوان لە ڕەنگی هەیە و ڕوونێتی و ڕەنگی دروست و ورد نیشان دەدات، ئەمانە وادەکەن ببنە بژاردەیەکی نمونەیی بۆ چەندان کاری نەشتەرگەری، بە کاری نازوڕی ناوسک وکۆئەندامی هەرسیشەوە.
مۆدێلی 32HR734S قەبارەکەی ٣١.٥ ئینچە بە ڕوونێتی 4K (3,840 x 2,160)و نیشاندەری لیدی بچوک، واتە هەزاران لیدی بچوک بەکارهێنراون بۆ یەکەی ڕووناکی پشتەوە (BLU). ئەم ڕوونما پزیشکیەی ئێڵ جی ئەوپەڕی ڕووناکیەکەی 2,000 cd/m² و ڕێژەی سێبەری داینامیکەکەی 1,000,000:1، ١٥٣٦ ناوچەی تاریککردنی هەیە بۆ دروستکردنی وێنەیەکی ڕوون و ورد. ئەم ڕوونمایە جێگیری ڕەنگی زۆر ئاست بەرزی هەیە بە ڕێژەی سەدا ٩٨ لە مەودای ڕەنگی DCI-P3 دا
لەگەڵ ئەدای وێنەیی ئاست بەرزی ڕوونمای 32HR734S دا، ئامێرەکە بەهێز و پشت پێبەستراویشە بۆ نەشتەرگەری. 32HR734S ی ئێڵ جی کە تەکنۆلۆژیای Optical Bonding و دژە تیشکدانەوە و دژەڕەنگدانەوە و دژە جێ پەنجەی هەیە لەسەر ڕووی ڕوونماکەی، لە ژوورێکی نەشتەرگەری تەواو ڕووناکیشدا ئاستی بینینی نمونەیی هەیە. بەشی پێشەوە و پشتەوەی ئەم ئامێرە تایبەتمەندی IP45 و IP32 هەیە واتە بەرگەگرتنێکی ئاست بەرزی ئاو و تەپوتۆزی هەیە و ڕێدەگرێت لە شلەمەنی و تەنۆلکەکان بنوسێن بە ڕوونماکەوە لەکاتی نەشتەرگەریەکەدا.
ڕوونمای 32HR734S یەکەمین ڕوونمای نەشتەرگەری ئێڵ جیشە کە تایبەتمەندی Clone Screen ی بەکارهێناوە. ئەم تایبەتمەندیە وادەکات بەکارهێنەران بتوانن وێنەکان لەسەر ڕوونمایەکی تریش نیشان بدەن کە بە بەستەری HDMI پێك بەستراونەتەوە، ئەمەش کارایەتی و پەیوەندیگرتنی کاتی نەشتەرگەری دەگەیەنێتە ئەوپەڕی، بە تایبەتی کاتێك چەند پسپۆرێکی نەشتەرگەری پێویست بێت هەمان دیمەن و وێنە ببینن.
بۆ دابینکردنی جوڵەیەکی باشتر، دۆخی ئاوێنەی روونماکە بە ئاسانی وێنەی نیشاندراو لەسەر لای ئاسۆیی هەڵدەگەڕێنێتەوە، دۆخی خولانەوەش وادەکات وێنەکە بە ١٨٠ پلە بخولێتەوە بۆ یەکگرتنەوە لەگەڵ جوڵەی کامێرەی نەشتەرگەریەکەدا. مۆدێلی 32HR734S تایبەتمەندیەکانی وێنەی ناو وێنە PIP و وێنە بە وێنە PBP ی تێدایە، وێنە بە وێنە وادەکات ڕوونماکە بە یەکجار تا چوار سەرچاوە نیشان بدات، واتە چوار کامێرە ببینرێت. ئەمەش یارمەتیدەری ستافی پزیشکیە بۆ بینینی چەند دیمەنێك لە یەک کاتدا، بۆ نمونە نازوڕی ناو سك و تیشکی ئێکس و بینینی ئاماژەکانی دۆخی تەندروستی نەخۆشەکە.
ی.س. لی، جێگری سەرۆک و سەرۆکی یەکەی بازرگانی تەکنۆلۆژیای زانیاری لە کۆمپانیای بەرهەمە بازرگانیەکانی ئێڵ جیدا وتی "روونمای 32HR734S کە تەکنۆلۆژیای لیدی بچوکی تێدایە، ئاستێکی نایابی وێنەی هەیە و چەندان تایبەتمەندی گرنگی تێدایە بۆ دۆخی نەشتەرگەری. ئێمە باوەڕمان وایە ئەم مۆدێلە نوێیەمان بە شێوەیەکی بەرچاو کارایەتی پسپۆرانی پزیشکی بەرز دەکاتەوە لەکاتی کارەکانیاندا و یارمەتیدەر دەبێت لە کاتی نەشتەرگەریدا."
# # #
وێنەکان بەردەستن لە
www.lgnewsroom.com/2024/10/lgs-new-32hr734s-4k-surgical-monitor-with-mini-led-technology-delivers-outstanding-image-quality/
دەربارەی کۆمپانیای ئێڵ جی بۆ بواری بازرگانی
کۆمپانیای ئێڵ جی بۆ بواری بازرگانی هاوبەشێکی متمانەپێکراوە و بەرهەم و چارەسەری پێشکەوتوو داهێنراوی تایبەت بۆ پیشەسازیە جیاوازەکانی جیهان دابین دەکات. لەڕێی کۆمەڵێك نمایشی دەگمەنەوە بۆ روونمای ئۆلید و لیدی پێشەنگی پیشەسازیەکە، ئێڵ جی ناوێکی بەڕێزی بوارەکەیە لە نێو کریاراندا لە سەرتاسەری جیهاندا. چارەسەرەکانی تەکنۆلۆژیای زانیاری ئێڵ جی روونمای کار و ئامێری لاپتۆپ و ئامێری نمایشکردن و ئامێری هەلگرتن لە ئینتەرنێتدا (کلاود) و روونمای پزیشکی و رۆبۆتی بازرگانی لەخۆ دەگرێت، هەموویان دیزاین کراون بۆ زیادکردنی ئەدای کار و گێڕاندنەوەی بەهای بەرز بۆ کریاران. بۆ زانیاری زیاتر لەسەر چارەسەرە بازرگانیەکانی ئێڵ جی، تکایە سەردانی ئەم مالپەرە بکە www.LG.com/b2b
www.Lge360.com