لە مێژووی کورددا جوانترین ناوێک لەسەر زاری خەڵک بوو ناوی پێشمەرگە بوو، پێشمەرگە جگە لەوەی بۆ مافەکانی کوردو ناسنامەی کوردستان خەباتی دەکرد، بە بەردەوامی داوای دیموکراتی بۆ عێراق دەکرد، لە هەمانکاتدا بارەگاکانی پێشمەرگە بووبووە لانکەی لاوانەوەی ئۆپۆزسیۆنی عێراقی بە چەپ و ڕاست و شیعە و سوننەوە، کەچی لەبری پێزانین و پاداشت وەفا، پوورم تەیف دێت موچەو قوتی منداڵەکانیان دەبڕێت. ئەو هاوڕێیانەش ڕۆژگارێک پێشمەرگە دەیپاراستن بێ دەنگیان هەڵبژاردووە. لە ڕاستیدا ئەمە بێ وەفاییە، وەفاش ئەخلاقە لە میدیاکانیشدا دەیبیستین سیاسیەکان ناوە ناوە دەڵێن نابێ موچە تێکەڵ بە ململانێی سیاسی بکرێت، لەڕاستیدا ئەم مەسەلەیە تێکەڵ بە سیاسەت نەکراوە، بەڵکو  ئەمە تێکەڵە بە ستەمکاری، ئەگینا  سیاسەت بەشی ئەوە نەجابەتی تێدایە بەپێی زانست و فەلەسەفە و  ئاین، ئەگەر کەمێک ئەخلاق هەبێ نانی خەڵک نەبڕی خەڵک برسی نەکەی ئاخر ئەمە چی بەهایەکە؟ چی ئاینێک ئەمە دەڵێ پێشمەرگەیەک لە سەنگەری بەرگریدا بێت و ماڵ و منداڵەکەی پارەی کیلۆیەک گۆشتیان پێ نەبێت، کەچی پورم تەیفو هاوڕێکانی مووچەکەیان ببڕن، لەم کێشەیەشدا کوردە حەیاتەکە و ئەحزاب کەمتەرخەمە، بەشێک لە خەتاو هەڵەیان بەردەکەوێ  چونکە هەموو ئەحزابی کوردی دەزانن ئەم شەڕە ئابوری یە بۆشکاندنی ئیرادەی سیاسی کوردە کە چی لەبەر خودپەرستی خۆیان ناتوانن ئیرادەیەکی هاو بە شی کوردی دروست بکەن .