کوردی
عربي
English
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیرووڕا
English
عربي
وتار
« کە دڵ پیر بوو تەمەن گەورە دەبێت »
محمد خۆشناو
2024-06-29
ئەنکیدۆ ، هۆ ئەنکیدۆ…مردن تاکە دڕندەی
تۆقێنەرە کە بەسەرماندا زاڵ بوو و تۆی لەمن
و لە لەژیاندا سەندەوە و ، بەتەنیا جێتهێشتم
بوومە بەندی خەمەکانم .
گەلگامێش
(ئێمە تەمەنمان گەورە نابێت کاتێ مێژوو بە پەنجەی خۆی ئاماژە بۆ ڕۆژە دوورەکەی لەدایکبوونمان بکات ، ئێمە گەورە نابین کاتێ پیری پێستەی سەرمان دابخورێنێ ، ئێمە گەورە نابین کە ددانەکانمان بێ پرسی ئێمە کۆج دەکەن پاش چەندین دە ساڵەی کاری ماندوکەرەوە ، گەورە نابین کە لە ژیاندا پەککەوتەدەبین بێ چاویلکەی نووساو بە چاومانەوە ، تەمەن گەورە دەبێت کاتێ ئازیزێکی ئێمە لە ژیان ون دەبێ و دواتریش مەرگ لێمان دەیدزێ ، تەمەنمان گەورە دەبێ کاتێ گوێمان داخوازی وشەیەکی ڕاکردوو خۆشەویستی دەکات تەنانەت گەر بەڕێکەوتیش بێ ، گەورە دەبین کاتێ ڕەشەبای وەرزی پایز بەسەر پەیوەندیەکانمان توند هەڵبکات و لەدەوروبەرمان لەپڕ مەرگ بیانخاتە خوارەوە ، گەورەدەبین کاتێ دەستدەگرین بە کلکی پێکەنینێکی ساختە لەگەڵ کەسێکی فەوتاودا ، گەورە دەبین کاتێ ڕۆژ هەڵدێ و ئاوا دەبێ بێ ئەوەی کەسێک بدۆزیتەوە بەشداری بکات لە وردودرشتی ساکاریەکانمان ، گەورە دەبین کاتێ دڵمان پیر دەبێت )
ئەمە قسەی خانمە نوسەری تورک « ئەلیف شەفەق » خاوەنی ڕۆمانی « چل ڕێساکەی عیشق »ە کە بەگوزارشتێکی جوان مانای پێگەیشتویی و پیریی دەخاتەڕوو ، ئەمە پێمان دەڵێت کە پێشکەوتنی مرۆڤ تەنها لەگەڵ هەڵکشانی تەمەن نایەتەوە ، بەڵکو لەگەڵ ئەزموونی سۆزداری و روحیی کە پێیدا تێپەڕ دەبێت ، لەوانە لەدەستدانی ئازیز و تێکچوون و پشێوی پەیوەندیەکان و هەستکردن بە تەنیایی ، هەموو ئەمانە بەشدارن لە گەشەی ناوەوەی مرۆڤ و پێکهێنانی کەسایەتیمان ، مردن لەمیانی جۆراوجۆردا بەدوامانەوەیە ، کاتێک خۆشەویستێکت یان هاوڕێیەکی دەمرێت ئازار دەمانچەمێنێتەوە و خەم داماندەگرێت ، چونکە کۆچکردوو بەشێک بووە لە ژیانمان بە ڕۆیشتنی ئەو بەشە لە ژیانمان دەمرێت ، بەڵام هەر ئەمە دڵ پیر ناکات ، بەڵکو خۆ دوورگرتن لە ژیان و پەیوەندیان و گفتوگۆنەکردن لەسەر سیاسەت و هونەر و سینما و هونەری شێوەکاری و شایی و سەما… تاد دڵ پیر دەکات ، بۆئەوەی بەڕاستی هەست بەژیان بکەیت دەبێت «ئەوەی تر» بدۆزیتەوە لێت بپرسێت و لێی بپرسی و لەگەلیدا بژیت هەتا ئەگەر لێشت دوور بێت ، « من قبوڵت دەکەم ڕێزت دەگرم هاتا ئەگەر مانگا بپەرستی » سحری بوونی ئەوەی تر لە ژیانتدا بە ڕەنگاوڕەنگەوە گەشە دەکات ، ئەگەر تۆ تەمەنت 25 ساڵ بێت و خۆت گۆشەگیر کرد و وا هەستبکەیت کە دەرکراوی لە بەهەشتی مرۆڤایەتی و دوور بیت لە خۆشەویستی و بەشداریکردن لە ڕاگۆڕینەوە لەسەر کایەکانی ژیان ، ئەوە تۆ پیری ، پێچەونەش ئەگەر تەمەنت 80 ساڵ بێت ئەو بەشداریانەت هەبێت تۆ دڵێکی گەنجت هەیە ، ئێمە چۆن بتوانین خۆمان لەگەڵ ئەو هەموو هاودژیەی کە دەورەی داوین بگونجێنین ، ئەمە بە خۆشەویستی و هاوڕێتی و پەیوەندیەوە دەبێت ، ئەمە دڵ پیر ناکات ، بێ خۆشەویستی دەسەڵات ناتوانێت لەگەل گەلەکەی سەربکەوێت بەهەمان شێوە باوکیش لەگەڵ منداڵەکانی و مێردیش لەگەڵ ژنەکەی و هاوڕێش لەگەڵ هاوڕێکەی ، ناخۆشیەکانی جیهان هۆکارەکەی غیابی خۆشەویستیە ، خۆشەویستی دەیان وێنەی جۆراوجۆری هەیە لە ژیانماندا وەک : بەخشش ، لێبووردەیی ( تۆ هەڵەت کرد و من تەنازولم کرد ) ، ئەمە دڵی لاوی کەسێکە با لە تەمەنی هەشتا ساڵیش دابیت کە بتوانیت خزمەتێک یان بەرژەوەندیەک پێشکەش کەسانی تر بکەیت ، گوزارشتێک هەیە کە دەڵێت 🙁 مرۆڤ بەختەوەری لە خۆشەویستی ئەوانی تردا دەبینێتەوە بێ ئەوەی هیچ بەرژەوەندیەکی لەو خۆشەویستیەدا هەبێت و بێ چاوەڕوانی یان وەرگرتنی بەرانبەرێک لێی ) ، کاتی خۆی سەقامگیری لە ماڵدا بە پانکەیەک و سەلاجەیەک و تەلەفزیۆنێک بوو ڕۆژنامەیەکیش دەکڕی بۆ خوێندنەوە و لەسەر سەری خۆت داتدەنا لەترسی گەرما ، ئەوکات پەیوەندیەکان لەوپەڕی گەرموگوڕیدا بوو ، ئێستا ئۆتۆمبێلت هەیە ، خانووت هەیە و ژنت هێناوە و منداڵت هەیە و دەچیە سەفەر ، چیترت دەوێت ؟ پارەی زیاتر و پارەی زیاتر ؟ بەوە ناوەستی دەست دەخیتە گیرفانی کەسانی تر ، دەست دەخریتە دڵیان و روحیان ، بەڵام دواجار روحت ژەنگ هەڵدێنێت و خودی خۆت دەئاوسێت و بەسەرگردانی لە بیاباندا دەبیت و وەک زیندوێکی مردوو دەمینێیتەوە .
زیاتر بخوێنەرەوە
فارس نەورۆڵی
چیرۆکی پشت وێنە ی جوتیارەکەی کەرکوک
مەلا بەختیار
سەردانی وەفدی ئیمراڵی بۆ ھەرێمی کوردستان چی دەگەیەنێت؟
محمد خۆشناو
کوردستان و میونشن بۆ ئاسایشی 2025
فارس نەورۆڵی
خۆشگوزەرانی یان سەقامگیری
هەندرێن شێخ راغب
ئەگەر لە جێگای پارتی بام؟
محمد خۆشناو
دووڕوو و هەڵپەرستەکان و دەسەڵات
فارس نەورۆڵی
ئەوان چیان لە ئێمە دەوێ؟
محمد خۆشناو
کە جاهیلێک خۆی دەکاتە پسپۆر و شرۆڤەکار !!
فارس نەورۆڵی
مرۆڤە دەمامک چیەکان
کەیوان نوری
کابوسی خانەنشینی و ترسێکی واقیعی لە پەراوێزخران
ئەمانەش ببینە
راستەوخۆ.. لە زانکۆی سلێمانی فێستیڤاڵێک بۆ زمانی دایک بەڕێوەدەچێت
راستەوخۆ….زیاتر لە پێنج هەزار دەفتەر دۆلاری بازاری دۆلارەکە براوە
تارمایی شەڕێكی ڕانەگەیاندراو بەسەر دیمەشقەوە سیبەری شەڕێكی ڕانەگەیەندراو بەرامبەر كورد لە سوریا
راستەوخۆ.. لەسەر گۆڕی وتەبێژی سەرای ئازادی یادی ١٧ی شوبات دەکرێتەوە
راستەوخۆ.. گۆیژە و ئەزمەڕ سپیپۆش بوون و جمەیان دێت لە هاوڵاتیان
خۆشترین گۆرانییە ناخۆشەکانباو باوی گۆرانی ناخۆشە
×
زمانەکان
کوردی
العربیة
English
بابەتەکان
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیروڕا
ئەرشیف
ئێمە کێێن
دەربارە
پەیوەندی
تۆڕە کۆمەڵایەتیەکان
© 2025 Diplomatic Magazine