لەدروست بونی دەوڵەتی عێراق چونکە بەرمەبنای داننان بەجیاوازیەکاندا دروست نەبوو ئیتر نەتەوەی سەردەست یامەزهەبی سەردەست کاری لەسەر دژیەکی کردوە بۆیە لەهیچ قۆناغێکدا پێکهاتەکانی عێراق بەیەک دەنگی دڵیانخۆش نەبوە بەعێراقی بوونی خۆیان بەتایبەتی لەسەردەمی دەسەڵاتی بەعسدا ئیناکری کردنی کورد و شیعە گەشتە لوتکە شەڕ و شۆڕی خوێناوی بەردەوام بو خەڵکی عێراق بەپێکهاتە جیاوازەکانییەوە خەباتیان دەکرد  بۆ ئەوەی کۆمەڵگەی نێودەوڵەتی ئیعتیراف بەوە بکەن دەوڵەتی بەعس دەوڵەتێکی فاشیست و ستەم کارە کارەساتی هەڵەبجە دەرگای باوەڕپێهێنانی بۆ کۆمەڵگای نێودەوڵەتی کردەوە بۆ ئەوەی باوەڕ بکەن یاخود ئیعتیراف بەخەباتی گەلانی عێراق بکەن کە دەوڵەتی عێراق دەوڵەتێکی ستەمکارییە جیاوازی ڕەگەزی و نەتەوەیی ومەزهەبی  بەڕێوەدەبەن هەڵەبجە هۆکاری ئەم ئیعتیرافەبوو لەپێناویدا بوو بەقوربانی کەچی ئێستا لەعێراقی نوێدا هەر ڕۆژەو بەبیانویەکە نایانەوێ ئیعتیراف بەپارێزگابونی هەڵەبجە بکەن کەچی سەری زمان و بنی زمانی سیاسیەکان ئەوەیە کەدەڵێن ئێمە هەمومان موسوڵمانین هەمومان عێراقین بەڵام لەبیرکردنەوەیاندا دەمارگیرییان تێنەپەڕاندوە ئەوەتا چاو و هۆشیان ئەو برینە قوڵەی جەستەی نیشتیمان نابینن و ئیعتیرافی پێناکەن کەچی چاوەروانی لەئێمە دەکەن بڵێین ئێمە عێراقین ئاخر بابە وا نابێ ئێمە هەر لەشەڕی ئیعتیرافادا بین ئێوەش بڵێن هەمومان عێراقین کەچی  ئەمڕۆش پەرلەمان سەری نەلەقاند بڵێ بەڵێ بۆ هەڵەبجە .