دەکرێ بڵێین هەر یەک لەم شارانە هی دانیشتوانی ئەم شارانەیە تێیدا دەژین بەڵام لە ڕەهەندی نەتەوەیی و نیشتیمانی و سیاسیدا، هەولێر هی هەولێر یەکان نیە، هەڵەبجە هی هەڵەبجەیەکان نیە، ئاخر کە هەڵەبجە کیمیایی باران کرا سنە پرسەی گێڕا دیاربەکر شیوەنی دەکرد قامشلۆ  ڕەشی پۆشی هەولێر بەگریانەوە باوەشی بۆ هەڵەبجەییەکان کردەوە ڕۆحی گە رمیانیەکان  گڕی دەگرت، کەگەرمیان ئەنفال کران کەبارزانیەکان ئەنفال کران کوردێک نەمابوو دۆش دانەمێنێ دەستە و ئەژنۆ سەیری ئاسمان نەکات ، ئەمە چی نائەقڵانییەکە لەبەر ئەوەی دەنگێک وکورسییەک زیاتر  ببەیتەوە،  ڕۆحی ئەم شارانە لەیەک جوداکەیتەوە بیانکەیتە دوژمنی یەک ، ئەوە سیاسی گەمژەیە وا بیربکاتەوە لەگەڕەکێک وخێڵێک و شارێکدا دۆزی نەتەوەیەک ببینێت  ئەگینا . 
 سلێمانی شاری کوردستانیەکانە
 هەولێر پایتەختی کوردستانە
 دهۆک شاری کوردانە 
 هەڵەبجە ناسنامەی هەموو کوردستانیانە.
تکایە لە بێ ئاگایی خۆتانەوە ئەم شارانە مەکەن بەدژی یەکتر کاکە وەرن لەسەر پێشبڕکێی ئاوەدانی ڕکابەری یەک بکەن  لەسەر ژینگەدۆستی پێشبڕکێی یەکدی بکەن ، لەسەر چاپکردنی کتێب ڕکابەری یەک بکەن لەسەر خزمەتی فەرهەنگ و پرۆژەی ستراتیجی پێشبڕکێ بکەن ، واز لەم ئەقڵە بچوکەی شارچیەتی و یەکتر شکاندنە بێنین و پیاوی ئاقڵ بخەنە مەیدانەکەوە ئەم جۆرە ئەقڵییەتە ئاو دەکاتە ئاشی دوژمنانەوە .  وەرن سەیری هەڵبژاردنی وڵاتانی دیکە بکەن لەوێ شەڕی پرۆژەی گەورەیە بۆخزمەتی نیشتیما نەکەیان لێرەش ئەوبازاڕەشێواوەیەی سیاسەتە لەبری ئەوەی کاندیدو لیستەکان بانگەشەی نیشتیمان سازی بکەن بە گوتاری پڕو پوچیەوەسەرقاڵن  ئەم جۆرە لەبیر کردنەوە ناتوانێ نیشتیمان سازی بکات ،  تا کوردستان بەموڵکی کوردستانیان نەبینین و گەورە بیر نەکەینەوە  هەر لەم بچوکیەدا دەمێنینەوە  .