ە باس لەماڵ دەکەین جیاوازە لەوەی باس لە خانوو دەکەین، خانوو پێکهاتووە لە کۆمەڵێک مادەی بێ گیان، بێ دەنگ، بێ هەست، وەک ئاسن و دەرگاو پەنجەرەو چیمەنتۆ، کاتێک خانویەک خەڵکی تیا نەژی ئەوە ماڵ نییە، بەڵام کە مرۆڤی تێدا نیشتەجێ بوو دەبێتە ماڵ، چونکە ماڵ هەستی تێدایە گفتوگۆو خۆشەویستی و ئارامی تێدایە، خەونی ڕەنگاوڕەنگی تێدایە، زۆرجاریش ماڵ ئاژاوەی تێدایە. لێرەدا مانا جوانەکانی ماڵ کاڵ دەبێتەوە  چەمکی ماڵ بە مانا فراوانەکەی بۆ زۆر کایەی دیکە بەکاردێت، 
بۆ نمونە ماڵی کورد کە زۆرجار لە میدکاندا ڕۆشنبیران و ئەوانەی سەرقاڵی سیاسەتن بەکاری دەهێنن، چونکە ماڵی کورد لە نێوان خانو ماڵدایە خانووە، چونکە چۆن لە کۆشکێکی چۆڵدا هاواردەکەی دەنگدانەوەی دەنگەکە هەیە، بەڵام ئەو دەنگە چون زمانی نیە کەس لێی تێناگات. کورد ئێستا نزیکە لەو دۆخە هاوار هاوارەو کەس لەکەس ناگات. 

دەکرێ بڵێین ماڵی کوردی چونکە لە زۆر کایەی دیکەدا ژیانی تێدایە هەستی تێدایە گفتوگۆو خۆشەویستی تێدایە، بەڵام لە کایەی سیاسیدا ماڵی کورد لەسەر گەردانیەکی تەواودایە کەس گوێ بۆ ئەوی دی ناگرێ، کەس خەتی کەس ناخوێنێتەوە. 

لێرەدا ئەم ماڵە لە ئاژاوەدایە دانیشتوانی ئەم ماڵە کوردیە زۆر نیگەرانن هەست بە ئارامی ڕۆح ناکەن، بۆیە خەڵکەکەی شیعرەکەی مەولەوی وەک نمونە دەهێننەوە بۆ ئەم ماڵە کە دەڵێ ( پێی پەتی خاسە لە پێڵاوی تەنگ، ماڵی چۆڵ خاسە لە ماڵی پڕ جەنگ ) بەمەرچێ ئەم ماڵە کوردییە بناغەکەی لەسەر ئێسک و پروسکی دەیان نەوەی ئەم نەتەوەیە دامەزراوە. بۆیە پێویستە زۆر هەستیارو بەرپرسیارانە مامەڵەی ئەم دۆخە بکەین، چونکە ئێستا ماڵە گەورەکەی مرۆڤایەتی کە جیهانە لەبەردەم ژانێکدایە بۆ لە دایکبونێکی نوێ، بۆیە ئێستا جیهان لەناو ئاژاوەیەکی گەورەو پشێوییەکی نادیاردایە، 
کە چاوەڕێی هەرەسی تاک جەمسەرییەو دروستبوونی فرەجەمسەری، ئەگەر کورد زۆر ئاقڵانەو بە بیری ورد مامەڵە لەتەک ئەو دۆخە جیهانی و ناوچەیی و ناوخۆیی و پێشهاتەکانیدا نەکات مێژوو بە تراژیدی خۆی دووبارە دەکاتەوەو ماڵەکەمان دەبێتە کەلاوە.