هەڵدانەوەی مێژووی خوێناوی و شەڕی براکوژی  و تاوانبارکردنی یەکتر هیچ سوودێک بە مێژووی ڕابردوو و ئێستا و  داهاتووی نەتەوەکەمان ناگەنێت و زیاتر  تۆوی ڕق و کین و بە شەیتان کردنی یەکتر و  ئیرهابی فکری لە ناو نەوەکانی داهاتوو دروست ئەکات و هیچ خزمەتێک بە دۆزی کورد و خزمەت بە خەڵکی کوردستان نەکات .

کورد لە ئەزەلەوە میلەتێکی خۆخۆر و دوژمن پەرستن و بێگان پەرست بوون لەسەردەمی میرنیشینەکانەوە هەتا دەگاتە ئەمڕۆ  بۆ چارەسەری کێشەکانیان لە جیاتی پەنابردن بۆ یەکتر پەنایان  بۆ دوژمن و نەیارانی کورد ئەبەن .

ئەگەر باسی خیانەت و جاشایەتی بکەین زۆربەی تاکی کورد پشکی ئەو خیانەت و جاشایەتیەی بەر ئەکەوێت .
هەرچی حیزب و گروپ و خەڵکی ئاسایی  هەیە بە پێی خەباتی خۆی خیانەتی لە میلەتەکەی کردووه .

حیزب نیە لە کوردستان خیانەتی نەکردبێت لە حیزبەکەی تر 
بە داخەوە حیزبەکان ئەم ئەم بابەتانە بەکارئەهێنن بۆ بانگەشە و  موزایدەی سیاسی و بەرژەوەندی تایبەتی خۆیان ئەگینا ئەم حیزبانە هیچ کێشەیان لەگەڵ یەکتر نیە و بەرژەوەندی تایبەت و کۆمپانیای تایبەت و حکومەتی تایبەت و دۆلار و داهاتی تایبەتیان لەگەڵ یەکتر هەیە ئەوەی کە باجی ئەم ململانێ و ئەم موزایدە ئەدات خەڵکانی ئاسایین  نەک سەرکردەکان .
بۆیە خیانەت هەر خیانەتە ئەگەر لایەن و کەسێک بیکات .

لەم ڕۆژانە دا لە جیاتی یەکتر تاوانبار کردن ئەبوایە ئاشتەوایی گشتیان ڕابگەیاندایە و چەندین نەمامیان بناشتایە لە جێگەی هەر شەهیدێکی ئەم ڕووداوانە .

ئەبوایە ئەم ڕۆژانە لە ڕۆژمێری کوردی لابرانایە بۆ ئەوەی میلەتی کورد ئەم خیانەت و کورد کوشتنەی لە یاد بکردایە و چیتر برینی دایکە جەرگ سووتا و مناڵە هەتیوەکانیان نەکولانایەتەوە .
 نەک بەیەکتر تاوانبار کردن یان شانازی پێوە کردن یادیان بکرێتەوە .