هەموو میللەتانی جیهان زیندوون، بەڵام دووجۆر زیندویەتی هەیە 
 ۱- جۆرێکی زیندوویەتی ئەو میللەتانەن بەردەوام  ئەقڵیان کار دەکات و لە داهێنانی بەردەوامدان لە کایە جیاجیاکانی ژیاندا ( ژینگە پارێزن، نیشتیمانپەرەورن، هاوکاری یەکتری دەکەن ئەوەی بکەوێت دەستی دەگرن بۆ هەستانەوە، بە داهێنانەکانیان خزمەتی خۆشیان و مرۆڤایەتی دەکەن لە سەرووی هەمووییەوە ڕاستگۆن. هەڵەیەک بکەن ڕاستی دەکەنەوە و جارێکی دیکە ناگەڕێنەوە بۆی، خۆشەویستی و ڕێز پەیوەندییە کۆمەڵایەتیەکانیان ڕێکدەخات. ڕۆشنبیری گەورەو فەیلەسوف بەرهەم دەهێنن.کەسێک خۆشەویستە ڕێ نیشاندەربێت.
 ۲- جۆری دووەم هەر زیندوون، بەڵام لەبری پێکەوە ژیان پێکەوە دەلەوەڕێن، دڵسۆزییان تێدا نیە و هەمیشە ژینگەی سروشت و ژینگەی سیاسی و ژینگەی کۆمەڵایەتی پیس دەکەن. هیچ داهێنان و بەرهەمێکیان نییە. زوو دەبنە بە کرێگیراوی داگیرکەر، درۆزن و دووڕوون، کەسێک لەناویاندا بکەوێ لەبری دەسگرتن بۆ هەستانەوە پاڵی دەدەن بۆ کەوتنی زیاتر، لەبری چاککردنی هەڵەی خۆیان و خۆ ڕۆشنبیرکردن بەدوای عەیبەی خەڵکەوەن و حەزێکی قوڵیان بۆ سیخوڕی هەیە. بەردەوام ڕۆشنبیری ساختە بەرهەم دەهێنێ . مرۆڤی فریودەریان خۆش دەوێت.
لێرەدا دەتوانین بڵێین هەموو میللەتانی دونیا میللەتی زیندون، جۆرێکی پێکەوە دەژی و داهێنان دەکات، ئاوەدانی دەکات، جۆرێکی پێکەوە دەلەوەڕێ و وێرانی دەکات.