لە وڵاتی بابوگینیا كارەساتێكی سرووشتی كەموێنە ڕوویدا

دیبلۆماتیك

بەرەبەیانی دوێنێ، لەناوچەیەكی دوورە دەستی وڵاتی " بابوگینیای نوێ" بەهۆی نیشتنی زەوییەوە دەیانكەس گیانیان لەدەستداو نزیكەی هەزارو دوسەد خانوویش ڕۆچوونە ناو زەوی.
هێشتا تیمەكانی فریاكەوتن بەردەوام كاردەكەن بۆ دۆزینەوەی لاشەی ئەو كەسانەی بەهۆی ڕۆچوونی زەوییەوە گیانیان لەدەستداوەو ژمارەی قوربانییەكانیش بەردەوام لە هەڵكشاندایە.


كاتژمێر 3ی بەرەبەیانی دوێنێ، گوندی " كاوكالام"ی سەر بە پارێزگای " ئینجا" لە وڵاتی " بابوگینیای نوێ" ڕووبەڕووی كارەساتێكی سروشتی كەم وێنە بوویەوەو بەهۆی ڕۆچوونی زەوییەوە لەناوچەكە دەیان كەس گیانیان لەدەستداو دەیان خانووش بە زەویدا ڕۆچوون.



" بابوا گینیای نوێ" وڵاتێكە دەكەوێتە نیوەی ڕۆژهەڵاتی دوورگەی بابوا لە باشووری ڕۆژئاوای زەریای هێمن لە نزیك ئیندۆنیزیاو كیشوەری ئوستورالیا، وڵاتەكە دابەشكراوە بەسەر نۆزدە پارێزگاو چوار هەرێمدا دابەشكراوەو ژمارەی دانیشتوانەكەی 10 ملیۆن كەسەو لەپاش ئوستورالیا، گەورەترین وڵاتی باشووری زەریای هێمنە.
ئاژانسی ڕۆیتەرز، بە ئاماژەدان بەزانیاری پەرلەمانتاری وڵاتەكە "ئامۆس ئاكیم" دەڵێت، بەهۆی ڕۆچوونی زەوییەوە لەناوچەكە ڕەنگە زیاتر لە 300 كەس گیانیان لە دەست دابێت‌و 1182 خانووش ڕۆچووبنە ناو زەوی.


ڕۆژنامەی " گاردیان"ی بەریتانی لە زاری"سەرهان ئۆكتۆبراك"، سەرۆكی نێردەی ڕێكخراوی كۆچی نێودەوڵەتی لە باشووری زەریای هێمن، بڵاوی كردووەتەوە بەپێی ژمارەی ئەو خانوانەی كە بەهۆی ڕووداوەكەوە ڕووخاوون‌و ڕۆچوونەتە ناو زەوی پێدەچێت ژمارەی قوربانییەكان زۆر زیاتربن.