هونەرمەندی گەورەی كورد مامۆستا حەسەن دەرزی،دوای چەندین ساڵ دابڕان و دوركەوتنەوە لە میدیای كوردی قسە بۆ دیپلۆماتیك دەكات و لە چاوپێكەوتنێكی تایبەتدا چەندین نهێنی ئاشكرا دەكات

مامۆستا حەسەنی دەرزی، لەو دیمانەیەدا دەڵێت:حیزبەكان وەك سیاسەت و مامەڵە تەماشای هونەرمەند دەكەن،هەركەس لەگەڵیان بێت پشتگیری دەكەن و هەركەس لەگەڵیان نەبێت پشتگیریی ناكەن.

هەروەها رەخنەی گەورە لە تەلەفزیۆنەكانی هەرێم دەگرێت و دەڵێت:تەلەفزیۆنەكانی باشور زیانی گەورەیان لە هونەرداوە،هەمووی حیزبایەتی و بزنس و مامەڵەیە.

هونەرمەندێك دەكڕن،ئەویرێت لە هەولێر قسەبكات،بەڵام نایەوێت لە سلێمانی قسە بكات

هونەر وانییە،هونەرمەند دەبێت ئازاد بێت،نابێت بیكڕنەوە
بەداخەوە ئەوەی ئێستا هەیە تەنها بزنس و خۆگەورەكردنە و هیچی هونەر نییە

لەبارەی كاریگەری هونەر لەسەر دۆزی نەتەوەیی كورد دەڵێت:دەتوانی لەرێگەی هونەرەوە وەك نەتەوەیەكی گەورە دەربكەوین و جیاوازی خۆشمان دەربخەین

دەشڵێت:هەرچەندە چەند هونەرمەندێكی باش پەیدابووە،بەڵام ئەمان توانی تازەگەری لە هونەری كوردیدا بكەین.

ئاماژە بەوەش دەكات: گۆرانیبێژی گەورەمان هەیە،هەموو هەوڵی ئەوەیە وەكو تورك گۆرانی بلێت،من تێناگەم بۆ وادەكات

سەبارەت بەوەی بۆچی هونەری كوردی بەم دۆخەی ئەمڕۆ گەیشتووە دەڵێت:هەتا خەڵكی ئێمە فێری ئەوە نەبێت پارە بە هونەر و بەرهەمی هونەرمەندان بدات،هونەری كوردی لەژێر پێدا دەبێت

سەبارەت بە خودی خۆشی دەڵێت:ژیانم زۆر لە تەنگوچەڵەمەدایە،سەرم ناپەرژێت بچم بەدوای هونەرەكەمدا
ئاماژە بەوەشدەكات: حیزبەكان هەركەس بەلایاندا نەچێ‌ پاڵپشتی ناكەن

هەروەها دەڵێت: لە ئێستادا 10 تا 15 گۆرانی نوێم هەیە ئەگەر بتوانم ئەم پایزە دەچمەوە كوردستان تۆماری دەكەم

لە كۆتایشدا ووتی: دەمەوێت بەرلەوەی بمرم و تادەنگم ماوە ئەو گۆرانیانە تۆمار بكەم.