کوردی
عربي
English
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیرووڕا
English
عربي
وتار
لە مولازم عومەرەوە بۆ مەسعود بارزانی
سالار مەحمود
2024-03-04
بەهۆی ئەوەی کە لە ڕۆژانی سەرەتای ڕاپەڕیندا، دزی و تاڵانییەکی زۆر لە فەرمانگەو هەندێک شوێنی گشتی شاری سلێمانیدا ئەنجام دراوە، مولازم عومەر نامەیەک بۆ مەسعود بارزانی دەنێرێت و داوای لێدەکات کە لە ڕادیۆوە بەیانێک دەر بکات بۆ ڕاگرتنی ئەو فەرهودوو تاڵانکارییەی کە ئەنجام دەدرێت.
لە پاش ڕاپەڕین و نەمانی دەسەڵاتی بەعس لە هەرێمی کوردستان، زۆرینەی دام و دەزگاو کەلوپەلی فەرمانگە حکومییەکان، کەوتنە بەر شاڵاوی تاڵانکاری و وێرانکردن و سووتاندنەوەو پرۆسەی تاڵانکاری و وێرانکارییەکە تەنانەت قوتابخانەو نەخۆشخانەکانیشی گرتەوە.
لە ۹ ــ ۳ ــ ۱۹۹۱، واتە دوو ڕۆژ لەپاش دەستپێکردنی ڕاپەڕینی پێشمەرگەو خەڵکی کوردستان لە سلێمانی دژ بە ڕژێمی بەعس، مولازم عومەر عەبدوڵا کە ئەو دەمە بەرپرسێکی باڵای یەکێتی نیشتیمانی کوردستان بووەو لە ڕاپەڕینەکەدا بەرپرسیارێتی باڵای هەبووەو ڕۆڵی گەورەی گێڕاوە، نامەیەک بۆ مەسعود بارزانی دەنێرێت و داوای لێدەکات کە بە زوویی لە ئێزگەوە بەیانێک دەر بکات و داوای ڕاگرتنی ئەو تاڵانییە بکات کە دەستی پێکردووە.
ئەوکاتەی کە مولازم عومەر نامەکەی بۆ مەسعود بارزانی نووسیوە، بارزانی سەرۆکی " بەرەی کوردستانی" بووەو بەرە سیاسیی و چەکدارییەکە لە " پارتی و یەکێتی و حیزبی سۆسیالست و پاسۆک و پارتی گەل و حیزبی شیوعی" پێکهاتبوو.
لەناورۆکی نامەکەشەوە دەردەکەوێت، کە مولازم عومەر لە ڕاپەڕینی بەهاری ساڵی ۱۹۹۱ دا بەرپرسیارێتی هێزەکانی بەرەی کوردستانی لە ئەستۆدا بووە بۆ ڕزگارکردنی سلێمانی و دەوروبەری و هەر لەو ڕوانگەیەشەوە نامەی بۆ سەرۆکی بەرەی کوردستانی ناردووەو لە بارودۆخی سلێمانی ئاگاداری کردووەتەوە.
لەو نامەیەدا کە بۆ مەسعود بارزانی ناردووەو لە کتێبی " بروسکەنامە"دا بڵاوکراوەتەوە، مولازم عومەر لە خاڵی یەکەمی نامەکەیدا بۆ مەسعود بارزانی نووسیوەو دەڵێت:" هەردوێنێ معمەلی جگەرەو بەنزینخانەو دائیرەی تەربیەو بینای حەسیب ساڵح و مەتعەم ئەبوسەناو کۆمەڵێک دەوائیریتر تاڵانکران و سوتێنران، ئەوراقی دائیرەکان بە ئەمنیشەوە سوتێنراوە، هەروەها بەشێک لە شتی خەستەخانەکان تاڵانکراوە".
لە نامەکەیدا بۆ مەسعود بارزانی، مولازم عومەر ئەوەشی پێدەڵێت کە تەنها یەک ڕۆژ لەپاش دەستپێکردنی ڕاپەڕین و ڕۆژێک بەر لە نووسینی ئەو نامەیە، نزیکەی ۱۰۰ کەس لەناو شاردا، لە لایەن خەڵکەوە هێرشیان کراوەتە سەرو کوشتوونیانن و هەندێکیشیان لێهەڵواسیوون.
بەهۆی ئەوەی لەوکاتەدا هیچ هۆکارێکیان نەبووە بۆ ئەوەی خەڵک ئاگادار بکەنەوە، مولازم عومەر داوا لە مەسعود بارزانی دەکات کە ئەو لە ڕێگەی ئێزگەوە بەیانێک دەر بکات.
لە خاڵی سێیەمی نامەکەیدا بۆ مەسعود بارزانی، مولازم عومەر داوایلێدەکات و دەڵێت:" لێرە هیچ وەسائیلێک نییە بۆ ئاگادارکردنەوەی خەڵک، بۆیە تکایە هەر ئیمڕۆ زوو زوو نیداء دەربکەن لە ئێزگەوە، ئەوەی چەکدارە پەیوەندی بە ئێمەوە بکات بۆ ڕێکخستنیان و هێنانەوەی مومتەلەکاتی دەوائیری دەوڵەت، چونکە ئەوانە موڵکی میللەتن و هی دەوڵەتی ئایندەی عێراقن".
زیاتر بخوێنەرەوە
بێستون شەهیدجەبار
ئەم هەرێمە چۆن چاک دەبێت؟
ئەلەند مەحوى
سودانی، ئەو پیاوەی بە "چانس" گەمەکان دەباتەوە
بڕوا ستار
حکومەتی عێراق غەدری لە هەرێمی کوردستان کردووە؟
بەهروز حاجی
تکایە لەعەلی حەمەساڵح و هاوڕێیانی
فارس نەورۆڵی
مووچە یان نیشتیمان؟
محمد خۆشناو
گەڕانەوەی سەرۆکە بێشەرمەکە !!
فارس نەورۆڵی
لە ١٠ی ٦ دا گۆرانی بۆ لەیلای خۆت بڵێ
ڕێبەر ئەکرەم
مووچەو مافی خانەنشیان لە نێوان هەرێم و بەغداد دا
بەهروز حاجی
وردە وردە،لەقاڵبدان
محمد خۆشناو
کورد و کۆتایی مێژوو !
ئەمانەش ببینە
بەپەلە ... بانکی تی بی ئای گەیشتن و تەوتین دەستپێدەکات
مام بێستون باوکی یەکێك لەو چوار شاخەوانەی گیانیان لە دەست دا قسە بۆ دیپلۆماتیك دەکات
کرێکارێک لە پرۆژەیەکی نیشتەجێ بوون لە قاتی ١٧ دەکەوێتە خوارەوە
ئەردۆگان بڕیاری توندی دژی ئیسرائیل ڕاگەیاند
پارتی لەگەڵ دیزاینەرەکە ڕێکدەکەوێت ... بە پێنوسی:عوسمان گوڵپی
بەپەلە... فەزاحەت ئاشکرابوو ... بۆچی حکومەتی هەرێم بڕیاریدا موچە دابەش نەکات؟
×
زمانەکان
کوردی
العربیة
English
بابەتەکان
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیروڕا
ئەرشیف
ئێمە کێێن
دەربارە
پەیوەندی
تۆڕە کۆمەڵایەتیەکان
© 2024 Diplomatic Magazine